1 маусым – Халықаралық балаларды қорғау күніне орай Д. Төленов атындағы жалпы орта білім беретін мектебінің жанындағы «Балдәурен» жазғы лагерінде аудандық білім бөлімінің демеушілігімен «Бақытты балалық шақ» тақырыбында асфальтқа сурет салу байқауы ұйымдастырылды.
Іс-шараның мақсаты – балалардың шығармашылық қабілеттерін дамыту, қиялын ұштау және олардың бақытты балалық шақ туралы ойларын бейнелеу арқылы эстетикалық талғамын қалыптастыру.
Байқау барысында лагерь тәрбиеленушілері түрлі-түсті борларды пайдалана отырып, асфальт бетіне өз армандарын, бейбіт өмірді, туған табиғатты, достықты, отбасылық құндылықтарды және шуақты жаз мезгілін бейнелеген әсем суреттер салды. Әрбір жұмыстан балғындардың шынайы көңіл-күйі мен жарқын қиялы көрініс тапты.
Шараға қатысқан оқушылар белсенділік танытып, өздерінің шығармашылық мүмкіндіктерін көрсетті. Балалардың салған суреттері көрермендердің қызығушылығын тудырып, мерекелік көңіл-күй сыйлады.
«Бақытты балалық шақ» атты асфальтқа сурет салу байқауы балалардың шат күлкісіне, көтеріңкі көңіл-күйіне және ұмытылмас әсерлерге толы жарқын мерекеге айналды.
